ភ្នំពេញ: ក្រុមជម្រើសជាតិកម្ពុជានៅតែធ្វើមិនទាន់បានល្អក្រោយចាញ់ក្រុមបាល់ទាត់បង់ក្លាដេស ដោយលទ្ធផល ១ទល់និង០ ។ នេះជាការប្រកួតមិត្តភាពអន្តជាតិលើកដំបូងក្រោមការដឹកនាំរបស់លោក Felix Dalmas ក្រោយចប់ការប្រកួតលោកក៏បានលើកទ្បើងថា "ខ្ញុំព្រួយបារម្ភអំពីស្ថានភាពកីឡាករបស់ខ្ញុំ នូវអ្វីដែលបានកើតឡើងនៅថ្ងៃនេះ ពីព្រោះបើសិនជាមាន VAR បង់ក្លាដែស ប្រហែលបញ្ចប់ការប្រកួតជាមួយកីឡាករតែ ៨ នាក់ប៉ុណ្ណោះ ខ្ញុំព្រួយបារម្ភអំពីសុខភាពកីឡាករយើង ពីព្រោះរាល់ពេលទទួលបាល់ពួកគេតែងតែត្រូវបានបុក ដូចជាប៉ូលីន កុម្ភៈ រតនា សុទ្ធតែត្រូវបានប៉ះទង្គិចខ្លាំង។ ជាមួយគ្នាផងដែរមានការពន្យាពេល តែមិនថ្វីឡើយវាជាតាក់ទិច ប៉ុន្តែខ្ញុំចង់ឃើញការប្រកួតនេះមានភាពទាក់ទាញដល់អ្នកទស្សនា" ។ ពាក់ព័ន្ធនឹងសំនួរមួយចំនួនដែលបានចោទសួរថា ហេតុអ្វីបានជាមិនមានវត្តមានកីទ្បាករ សៀង ចន្ធា? លោកក៏បានបញ្ចាកចុងក្រោយថា ចន្ធាត្រូវបានកោះហៅស្ទើរគ្រប់ការប្រមូលផ្ដុំទៅហើយ ទាំងឈុតធំ និងឈុតយុវជន អ៊ីចឹងគាត់មានភាពហត់នឿយរាងកាយ (𝗽𝗵𝘆𝘀𝗶𝗰𝗮𝗹 𝘀𝘁𝗿𝗲𝘀𝘀) ក៏ដូចជាភាពតានតឹងផ្លូវអារម្មណ៍ ពីព្រោះនៅស៊ីហ្គេមជួបរឿងផ្លូវអារម្មណ៍ច្រើន ដូច្នេះយើងចង់រក្សាទុកគាត់ ព្រោះវាជាការប្រកួតមិត្តភាព...
